Një foto ku shfaqet Lulëzim Berisha i cili nderohet me çmim nga Ministri i aso kohe, Nasip Naco po bën xhiron në rrjetet sociale.
Lirimi nga burgu i ish-kreut të bandës së Durrësit, Lulzim Berisha, po vazhdon të jetë një ndër ngjarjet më të komentuara, aq me tepër që në lirimin e tij ndërmjetësoi edhe kryebashkiaku Vangjush Dako, i cili garantoi punësim në Bashki të të dënuarit për pesë vrasje dhe disa vepra të tjera penale.
Të pranishëm në ceremoni në atë kohë ku Lul Berisha morri u nderua si “njeriu i ndeshjes” ishin edhe presidenti i FSHF-së, Armando Duka, drejtori i Përgjithshëm i Burgjeve, Adriatik Zoto dhe kryebashkiaku i Kavajës, Elvis Roshi. Vlerësimi i Berishës u bë para rreth dy vitesh gjatë një ndeshje futbolli mes të burgosurve dhe disa ish-futbollistëve profesionistë.
Me siguri që edhe ky nderim, bashkë me kërkesën e Vangjush Dakos, ndikuan te gjyqtarët e Apelit në Durrës, të cilët firmosën lirimin e tij nga burgu.
