Ylli i muzikës pop, këngëtarja me origjinë shqiptare Billie Eilish, kërkoi falje publike pasi u shfaqën video ku këngëtarja tallet me thekset aziatike dhe në një tjetër përpiqet të flasë si një njeri me ngjyrë.
Në një deklaratë të postuar në Instagram, fituesja e shumëfishtë e Grammy tha se ishte e shtangur nga sjellja e saj në një video në të cilën ajo është 13 ose 14-vjeç, raporton Reuters.
Këngëtarja, e cila tani është 19-vjeç, shkroi se ishte e neveritur dhe e turpëruar nga sjellja e saj dhe se do të përpiqej të mos thoshte kurrë më diçka të tillë.
“Është hera e parë që e dëgjoj atë fjalë në këtë këngë, sepse askush në familjen time nuk e kishte thënë më parë. Pavarësisht nga injoranca dhe mosha ime në atë kohë, asgjë nuk e justifikon faktin se është ofenduese. Prandaj më vjen keq”, tha Eilish.
