Këngëtarja Rezarta Shkurta ka publikuar dje projektin e saj më të ri muzikor, këngën dhe klipin “Gjysma Ime” kushtuar bashkëshortit të saj, Ermal Hoxhës që ndodhet në burg.
Kënga është publikuar në YouTube edhe me videoklip, ndërsa ka prekur zemrat e dëgjuesve me vargjet e tekstit, të cilat janë vërtet mallëngjyese.
Ka qenë vetë Rezarta që ka deklaruar edhe më parë se këtë këngë ia kushton bashkëshortit të saj Ermal Hoxha, i cili ndodhet në burg, ndërsa së fundmi përmes rrjeteve sociale ka treguar se si ka qenë reagimi i vajzës së saj Herës, kur ka dëgjuar mamanë të këndojë.
“Hera që në mëngjes pasi pë këngën në TV… Hidhej nëpër shtëpi duke thënë ‘Këndon mama, këndon mama’. Emocioni më i bukur për këtë këngë”, ka shkruar Rezarta në mbishkrimin e videos në Instagram.
