Kreu i Bashkisë së Durrësit ka reaguar pas kërkesës së artikuluar nga kreu i PD-së, Lulzim Basha për shkarkim të tij.
Duke iu referuar Bashës si ish-kryebashkiaku i një partie që flinte në Bashki, Dako thotë se akuzat janë baltosje e emrit të tij nga PD.
Ai shton se Basha duhet ta dijë se këto janë procedura normale.
“Basha duhet ta dijë që kjo është një procedurë e zakonshme. Janë 36 persona që kanë përfituar referencë nga Bashkia, kemi marrëveshje me Shërbimin e Provës. Gjykata nuk ka vendosur ende për punë vullnetare për Lulzim Berishën.Me deklaratën e sotme Basha pengon vetingun”.
Dako i është përgjigjur dhe deklaratave të Blushit, që sipas tij hedh baltë për përfitime politike.
Kryebashkiaku i Durrësit nuk ka mohuar njohjen me Lulzim Berishën.
“E njoh Lulzim Berishën, kam 50 vjet që jetoj në Durrës. E kam njohur si sportist, si qytetar, si biznesmen”.
