Qyteti me ajrin më të pastër në Europë është Umea në Suedi. Ndërsa, pas Umeas, vjen qyteti finlandez i Tamperes, dhe Funshal në Portugali. Diçka e tillë është konfirmuar edhe nga ana e Agjencisë Europiane për Ambientin.
Kurse, qytetet me ajrin më të ndotur janë Sonch në Poloni dhe Kremona në Itali.
Banorët e më shumë se gjysma e 323 qyteteve ku është matur cilësia e ajrit gjatë viteve 2019-2020, thithin ajrin e ndotur. Vendet ku qytetarët “konsumojnë” më shumë ajër të ndotur janë Italia dhe Polonia.
Cilësi të mirë të ajrit e kanë 127 qytete, europiane. Në dhjetëshën e parë për nga cilësia e ajrit janë dy qytete suedeze – Stokholmi dhe Upsala, tri në Estoni – Talini, Narva dhe Tartuja si dhe Bergeni në Norvegji dhe Salamanka në Spanjë.
