Është ndaluar një nga autorët e biznesmenit Spiro Iljadhi. Në prangat e policisë ka rënë Redjan Haderi, 33 vjeç nga Tepelena.
Haderi është ndalur në orët e para të mëngjesit të kësaj të Hëne, ndërsa policia është në kërkim të dy të kërkuarve të tjerë.
Në këtë operacion, veç policisë së Sarandës po marrin pjesë edhe ajo e Gjirokastrës dhe e Tepelenës.
Raportohet se Haderi ka pranuar krimin para oficerëve të policisë, ndërsa ka nënvizuar se ngjarja ka ndodhur si pasojë e një konflikti të çastit. Haderi nuk është një emër i panjohur për drejtësinë, pasi ai njihej si një person me precedent të shumfishtë penal.
Lidhur me plagosjen, janë në këtkim dhe Andrea Çaushi, 35 vjeç dhe Visi Çaushi, 33 vjeç, vëllezër.
Autorët, rreth orës 03:50, në lagjen Nr.1, Sarandë, në afërsi të lokalit ‘Orange Club’ në pronësi të Iljadhit, në bashkëpunim me njëri-tjetrin plagosur me armë zjarri këtë të fundit.
I plagosur ka mbetur dhe një kalimtar i rastit pushues në Sarandë por banues në Tiranë, Mario Jani 33-vjeç, shqiptaro-amerikan, i cili ndodhet në spital, jashtë rrezikut për jetën.
Nga veprimet hetimore dyshohet se ngjarja ka ndodhur si pasojë e një konflikti të çastit, për motive të dobëta, midis autorëve të dyshuar dhe biznesmenit Iljadhi.
