Kombëtarja e Kilit, e angazhuar në Kupën e Amerikës, është përfshirë në një skandal me drita të kuqe.
Disa futbollistë nga “La Roja” kishin organizuar një festë me prostituta në Gran Hotel Oldara, ku është akomoduar ekipi kilian. Festa raportohet se ishte organizuar për të festuar fitoren e ngushtë 1-0 kundër Bolivisë.
Sipas shtypit kilian, lojtarët e përfshirë janë Jean Meneses, Guillermo Maripan, Arturo Vidal, Gary Medel, Pablo Galdames, Pablo Aranguiz dhe Eduardo Vargas.
Priten masa nga Federata e Futbollit Kilian, e cila tashmë ka gjobitur Vidal dhe Medel për lejimin e një berberi në hotel, duke shkelur rregullat anti-Covid. Të dy lojtarët u gjobitën me rreth 25,000 euro secili.
