Autoritetet braziliane janë shokuar nga një skenë rrëqethëse, 7 fëmijë, të uritur e të zhveshur janë gjetur brenda një banese në Makapi.
Për ta kujdesej një vajzë 13-vjeçare, njoftojnë autoritetet. Fëmijët e moshës nga 3, deri në 7 vjeç, janë gjetur brenda një shtëpie të vjetër, e të izoluar me shufra hekuri.
Një prej fëmijëve sipas tyre, ishte me nevoja të veçanta, e ky i fundit është dërguar menjëherë për në spital, pasi nga mosushqyerja gjendja e tij ishte e rëndë.
Është ende e paqartë se si fëmijët ndodheshin aty, por mësohet se 13-vjeçarja që kujdesej për to, ishte detyruar nga persona të tjerë, që të gënjente nëse ndonjë e pyeste për moshën, pra t’i thoshte se ishte 17 vjeçe e jo 13-të, sa është në të vërtetë.
Policia ndërkohë i ka dërguar fëmijët në qendra të specializuara, ndërsa ka nisur një hetim të plotë për të zbardhur këtë ngjarje të rëndë.
