Partizani bën goditjen e radhës në merkaton e verës. “Panorama Sport” raportont se Arinaldo Rrapaj është lojtari më i ri i “demave”.
Vlonjati që mbylli sezonin si pjesë e Skënderbeut ka mbërritur në Ohër dhe menjëherë ka nisur stërvitjen me të kuqtë.
Mesfushori është një dëshirë e vjetër e trajnerit Ilir Daja, por në sezonin e kaluar nuk u afrua për shkak të bllokimit të merkatos së “demave”.
Pritet që në orët në vijim klubi i kuq të prezantojë zyrtarisht mesfushorin vlonjat, të cilin Daja e ka afirmuar kur ka drejtuar Flamurtarin.
