Kreu i Këshillit Kombëtar të PD, Bujar Nishani, i cili mbështet Edith Harxhin në garën për kreun e kësaj partie, e cilësoi sot si një maskaradë procesin zgjedhor, ndërsa i drejtoi akuzoi kreun demokrat, Lulzim Basha, se po e çon partinë drejt shkatërrimit.
Por, Jemin Gjana, i cili kryeson Komisionin Qendror të Zgjedhjeve në PD, ka ironizuar Nishanin, duke u shprehur se ai ngatërron proceset.
“Ngatërron zgjedhjet në PD me masakrën e 25 prillit”, u shpreh Gjana duke ironizuar Nishanin.
“Zotit Shehaj ne ia kemi plotësuar të gjitha kërkesa dhe 3 vëzhguesit që kërkoi ti zëvendësoi ne ja realizuam. Janë 23 536 anëtarë që kanë votuar, deri në orën 13:00, diku te 31.3%. Procesi ka vazhduar normalisht. Ka ndonjë zëvendësim vëzhguesi të ndonjë kandidati në garë, por procesi vijon normalisht”, tha Gjana, duke rrëzuar edhe pretendimet e kandidatit Agron Shehaj.
