Kryeministri Edi Rama, e ka trajtuar liderin historik të socialistëve Fatos Nanon, në 30 vjetorin e PS si një objekt talljeje, duke lënë të kuptohej se ishte ai që vendosi se kur duhet të ‘vdiste’ e më pas të rilndte Nano.
Rama në fjalën e mbajtur në Kongresin e PS-së tha se ai ishte fillimisht “babai i tij politik”, më pas e “vrau” dhe më tej e gjeti të rilindur.
“Gëzuar 30-vjetorin e PS-së. Kjo është një ditëlindje e bukur. Faleminderit atyre që i dhanë kësaj partie, tiparet themelore të zhvillimit. Faleminderit liderit të saj, babait tim politik, që në fillim e desha, pastaj e vrara, pastaj e gjeta të rilindur, në respektin ndaj njëri-tjetrit. Faleminderit për anëtarët e Partisë Socialiste dhe kontribuuan në 30 vjet në arritjet e PS-së, ku kemi fituar, humbur, rrëzuar, jemi ringritur dhe kemi vijuar të ngjitemi bashkë”, tha Rama.
