Disa të dhëna shokuese janë publikuar në një faqe online të cilat tregojnë se sa pak taksa paguajnë miliarderët kryesorë në Shtetet e Bashkuara të Amerikës.
Media ProPublica shkruan se i kanë rënë në dorë disa nga të dhënat e taksave të njerëzve më të pasur në botë përfshirë këtu Jeff Bezos, Elon Musk dhe Warren Buffett.
Sipas këtij website shefi i Amazon, Bezos nuk pagoi taksa në vitin 2007 dhe 2011, ndërsa Elon Musk nuk bëri asnjë pagesë në 2018.
Një zëdhënës i Shtëpisë së Bardhë i cilësoi rrjedhjen e këtyre dokumenteve si të jashtëligjshme ndërsa FBI dhe autoritetet e taksave kanë nisur hetimet.
ProPublica shprehet se po analizon informacionin e vlefshëm nga të dhënat e Shërbimit të Brendshëm të të Ardhurave mbi taksat e miliarderëve dhe se shumë shpejt do të japin informacione të tjera.
