Policia e Vlorës e ka arrestuar në flagrancë Ali Alirajn, 30 vjeç, banues në fshatin Kaninë, Vlorë, pasi kishte marrë informacioneve në rrugë operative se mbante armë pa leje.
Duket se 30-vjeçari ishte bërë problem për bashkëfshatarët e tij, pasi lëvizte me trimëri rrugëve me pistoletë në brez dhe me karikatorët me fishekë me vete.
Gjatë kontrollit fizik të ushtruar nga shërbimet e policisë në fshatin Kaninë, i është gjetur e fshehur në brez një armë zjarri e llojit Pistoletë – TT model 54, me një krëhër të mbushur me 7 fishekë, si dhe një krëhër tjeter të fshehur në xhepin e bluzës të mbushur me 7 fishekë të tjerë të kalibrit 7.62 mm.
