Elton Cale është larguar nga Tirana. Mesfushori brazilian duket se i ka dhënë fund aventurës me bardheblutë dhe këtë e konfirmon në një prononcim të shkurtër për Neësport.al. Një nga titullarët kryesorë të kryeqytetasve u shpreh: “Nuk jam më i Tiranës. Tirana ka plane të tjera”, tha ai shkurtimisht.
I pyetur më pas nëse ka oferta nga klube të tjera dhe konkretisht nga Partizani, ai preferoi të linte gjithçka të hapur. Do të vihej sërish nën urdhrat e Ilir Dajës apo jo? Për këtë Cale ka një përgjigje: “E shoh të vështirë, por ka pak shanse të bashkohem sërish me Ilir Dajën”, përfundoi shtatshkurtri duke mos lënë pas as batutat.
Kujtojmë që te Tirana kaloi dy sezone, duke qenë kontribues në fitimin e titullit kampion. 32-vjeçari u aktivizua në 46 ndeshje, ku arriti të realizonte 7 gola. Ai është njohës i mirë i elitës së vendit tonë pasi më parë ka luajtur me Kukësin dhe Flamurtarin. Si me verilindorët, ashtu edhe me vlonjatët, Cale ishte titullar fiks.
