Deputeti Spartak Braho, një personazh i njohur për marrëdhënie të afërta që ka pasur si me kryeministrin Edi Rama ashtu dhe Presidentin Ilir Meta, ka rrëfyer mbi prishjen e koalicionit PS-LSI.
Për Spartak Brahon, prishja e koalicionit PS-LSI erdhi pasi “plaçka nuk po ndahej mirë”, duke nënkuptuar se dy liderët kishin pakënaqësi se si po ndesheshin të mirat e pushtetit.
“Prishën koalicionin, Ramës si interesonte sepse LSI numerikisht ishte faktor politik që duhej vlerësuar. Unë isha deputet i PS, s’isha asnjëherë deputet i LSI. Isha anëtar i kryesisë së LSI, por isha i zgjedhur në listën e PS”, tha Braho në një emision televiziv.
Ai shtoi se lidhur me vendimin për prishjen e koalicionit i tha Metës: “Gabim e ke që e prish koalicionin, unë shikoj debate pa vlerë”.
Në studio u përmendën deklaratat e ish-ministrit të Drejtësisë Ylli Manjani që vinte nga radhët e LSI-së, iu cili ngriti alarmin për kanabizimin e vendit.
Braho zbuloi se konflikti mes liderëve kishte lindur më herët dhe sipas tij, “kur erdhëm te kanabisi kishte dalë kallaji sipër”.
Ai tha se Meta e pyeti pas prishjes së koalicionit se çfarë pozicioni do të mbante: “Më tha mua: Do ikësh. I thashë: S’rri më me ty”.
“I thashë: Unë jam deputet i PS mund të më thërrasë Rama. Shko – më tha”, tregoi Braho.
“E mori Rama në telefon Metën dhe i tha: Baba Taku kudo jetë? ‘Unë e kam listën time’, i tha Meta. Kështu jemi ndarë”, shtoi Braho.
