Deputeti Spartak Braho ka dhënë opinionet e tij për ish-kryeministrat Berisha, Nano e Meta gjatë një televizioni televiziv këtë të Hënë.
Lidhur me vendimin e DASH që shpalli “non grata” Berishën, Braho tha se “është një gjë e vonuar për mua”.
“Berisha duhej shpallur non grata që në vitin 97 dhe që në ‘97 duhej dënuar. Edhe ngjarjet e 21 janarit janë veprimet e Berishës”, shtoi ai.
“Për sa i përket korrupsionit, unë s’kam ndonjë ndjenjë të gjykoj është i përzier Berisha në korrupsion apo jo, nuk e di, por për veprimet politike po”, tha ai.
I pyetur për Nanon, ai tha se Nano ishte “pjesë e inteligjencës së re që krijoi ai sistem (komunist), i përgatitur, specialist i ekonomisë, njeri i zgjuar, me mendjehollësi që ai se humbi toruan asnjëherë edhe në burg, kam parë të tjerë që e menderosën, ai jo. Por jo serioz. Njeri me vese”.
I pyetur nëse është pro rikthimit të Nanos në politik si President, ai tha: Jo është e pamundur, ka mbaruar epoka e Nanos.
Lidhur me Metën, u kujdes të sqaronte se nuk e ka mik, por “mik politik”.
“Ato që ja kam thënë Metës ja kam thënë në planin juridik. S’kam asgjë personale. Meta s’është moshatari im, e kam pasur mik politik. E kam njohur rreth viteve ‘96 te FRESH-i. Nuk është miku im, përputhemi se jemi të dy nga një krahinë”, tha ai.
