Moderatorja Arbana Osmani përfundoi mbrëmjen e së shtunës sezonin e “Dua të të bëj të lumtur”. Mes emocionesh Arbana falenderoi stafin për punën e tyre, por një fjali ju mbeti në mendje të gjithëve.
“Unë i vlerësoj të gjitha fjalët tuaj dhe mezi po pres të punojmë bashkë në atë që ju e dini që unë s’mund ta them”, u shpreh Arbana duke nënkuptuar se bëhet fjalë për nisjen e një rrugëtimi të ri.
Gjithashtu pas përfundimit të programit, ajo publikoi në Instagram një foto të saj, në të cilën pyet ndjekësit: “Atëherë, çfarë është e radhës?”.
Arbana ka publikuar në Instastory një pjesë të përgjigjeve dhe bie në sy fakti se të gjithë kanë thënë se ajo do të prezantojë “Big Brother Vip”.
“A mund ta besoni se kam mijëra mesazhe me të njëjtën përgjigje. Po si nuk thotë njeri bëja ca pushime”, shkruan Arbana përkrah përgjigjeve, duke konfirmuar në një lloj mënyre se ajo do të jetë drejtuesja e “Big Brother VIP”.
