Atdhe Xharavina ka konfirmuar ndarjen nga Sara Malaj. Në një postim në Instastory Atdheu shkruan se ai dhe Sara nuk janë më bashkë dhe flet për dikë të cilin dikur e quante vëlla e sipas tij ia ka punuar pas shpine. Menjëherë kanë nisur dyshimet se bëhet fjalë për Andin, pasi ai dhe Atdheu e quanin veten vëllezër dhe për më tepër pas ndarjes nga Sara, Andi e Atdheu nuk ndiqen më në rrjete sociale.
“Sqarim për publikun se më kanë ardhur shumë mesazhe, ndjesë për vonesën, por kam pasur disa probleme personale siç e keni kuptuar edhe vetë ndarjen ta quajmë se ishim në njohje e sipër me Sarën. Po është e vërtetë. Faleminderit të gjithë ju që na keni mbështetur dhe vazhdoni të na mbështesni, mirënjohës për ju gjithë jetën. Gjithashtu me këtë do t’ju them që i kam vënë vizën disa personave që më quanin vëlla dhe ta punojnë prapa krahëve disa herë, por e kam bërë një sy qorr. Tani u mbush kupa. Respekt për të gjithë ju”, shkruan Atdheu.
Ndërkohë Sara mbrëmjen e djeshme ka qenë në shoqërinë e Andit dhe vëllait të tij, ç’ka i shton më shumë dyshimet se Atdheu po flet për Andin në statusin e tij.
