Rreth 761 kg drogë e nisur nga Shqipëria, u kap pak ditë më parë në brigjet italiane. Gomonia që transportonte drogën e nisur nga brigjet shqiptare tentoi të trafikonte kanabisin drejt Italisë njoftuan burime zyrtare nga policia shqiptare, duke shtuar se sasia e drogës u sekuestrua si dhe dy persona u arrestuan: 29-vjeçari me iniciale E.M. nga Vlora dhe një shtetas Italian. Por, pa dhënë detaje të plota mbi identitetin e personave të vënë në pranga.
Ndërkaq, mediat italiane që kanë pasqyruar aksionin e së premtes pasdite raportojnë se, në pranga është vënë shqiptari Engjëllush Mukaj dhe italiani Cosimo Pellegrino, 68-vjeç.
At u arrestuan nga efektivë të Guardia di Finanza të Otrantos dhe më pas u dërguan në burgun e Borgo San Nicola.
