Eksperti i shëndetit publik, dr. Erion Dasho, përmes një postimi në rrjetet sociale, ka ironizuar deklaratat e Kryeministrit Edi Rama, i cili po zhvillon një vizitë zyrtare në Turqi, nga ku herë pas here njofton mbi marrëveshjen e arritura.
Dasho shkruan se dje nga Turqia boratët njoftuan se Shqipëria do të instalojë kamera CCTV dhe do të grumbullojë të dhëna me dronë superinteligjentë!
“Ky i ashtuquajtur program përbën një rrezik të jashtëzakonshëm për vendin.
Uroj që të jetë shashka e radhës së Boratit dhe boratëve për të tërhequr vëmendjen nga skandali i manipulimit elektoral të 25 prillit dhe jo një plan konkret! Përndryshe një plan i tillë djallëzor duhet të përballet me të paktën një revoltë popullore masive!
Shqipëria nuk mund të ketë standartin turk të sigurisë, privacisë së të dhënave dhe lirive të njeriut!”, thotë Dasho në një postim në rrjetet sociale.
Sipas tij, shqiptarët nuk mund të survejohen dhe kontrollohen nga qeveria në jetën e tyre private, në shtëpitë e tyre dhe në ushtrimin e të drejtave dhe lirive të tyre!
“Shqipëria duhet të synojë Europën dhe të orientohet vetëm ndaj vlerave europiane!”, shkruan ai.
