A mundet që kafja juaj e përditshme të rris rrezikun që ju të shurdhoheni? Ekspertë paralajmërojnë se kafeina mund të ndikojë në humbjen e dëgjimit.
Kur ju e keni ekspozuar veshin ndaj zhurmave të forta, ky organ do rreth 72 orë që të shërohet. Por nëse ju konsumoni kafe gjatë kësaj kohe, rreziku që të dëmtoni dëgjimin është i madh.
Sipas një studimi nga Universiteti “McGill”, konsumi ditor i kafes në ambiente me zhurmë, e sidomos në ambiente me muzikë të lartë mund t’ju rrezikojë.
“Hulumtimi ynë ka konfirmuar se ekspozimi ndaj zhurmave të forta shoqëruar me konsumin e përditshëm të 25mg kafeinë pati një ndikim të qartë negativ në dëgjimin e pacientëve,” thotë Dr Faisal Zawawi, Otorinolaringolog dhe anëtar i shkencave në Universitetin “McGill”.
