Një banesë është përfshirë nga flakët në kryeqytet këtë të Martë. Aktualisht, nuk ka raportime për të lënduar.
Policia njoftoi se rreth orës 14:20, në rrugën “Myslym Shyri”, në kryqëzim me rrugën “Adem Kruja”, ka rënë zjarr në një banesë dy katëshe të pabanuar.
Shërbimet e zjarrfikëses kanë shkuar në vendngjarje dhe po punojnë për fikjen e zjarrit.
Një hetim ka nisur për përcaktimin e shkakut të rënies së zjarrit.
