Gjatë 24 orëve të fundit, në Kosovë, janë regjistruar 23 raste të reja me koronavirus dhe fatmirësisht asnjë person nuk ka humbur jetën nga Covid-19.
Nga 2.120 mostra të marra nga ShSKUK dhe gjurmimi i kontakteve të rasteve në terren, rezultuan 23 raste pozitive.
Numri total i rasteve pozitive është 107.405 raste nga 609.350 persona të dyshimtë në virusin SARS-CoV-2 dhe 2.243 raste të vdekjes.
Gjatë 24 orëve të fundit, janë shëruar 130 pacientë derisa numri i përgjithshëm i të shëruarve deri më sot është gjithsej 102.782 raste, kurse numri i rasteve aktive është 2.380.
Rastet pozitive janë nga komunat: Mitrovicë 6 raste, Prishtinë 5 raste, Pejë 2 raste, Vushtrri 2 raste dhe me nga një rast komunat Ferizaj, Fushë-Kosovë, Gjilan, Junik, Obiliq, Podujevë, Prizren dhe Shtime.
