Kandidati për kryetar të Partisë Demokratike, Agron Shehaj, gjatë një takimi në kuadër të fushatës së tij elektorale me strukturat dhe me anëtarët demokratë, në Tiranë ka debatuar me një nga personat e pranishëm.
Një aktiviste ka bërë një pyetje ndaj kandidatit Agron Shehaj, në lidhje me menkanizmat që do të përdorë për të realizuar planet që ai ka paraqitur.
Pyetjet e aktivistes janë konsideruar si të tepërta dhe janë marrë si akuza teksa shumë anëtarë të mbledhjes kanë kërkuar përjashtimin e saj nga mbledhja me pretekstin se ishte sjellë nga dikush tjetër për t’u mbushur mendjen.
Kandidati Shehaj e pyeti qytetaren nëse është anëtare e PD-së dhe më pas i tha “ju s’mund të vini këtu dhe t’i bëni gjyqin Partisë Demokratike”. Rezultoi se aktivistja nuk ishet anëtare e PD dhe asaj iu kërkua të largohej nga salla.
