Edison Begaj, një emër i njohur për policinë, u plagos mbrëmjen e djeshme në Vlorë. Ai u qëllua 4 herë në hyrje të banesës së tij.
Referuar raportimeve 38-vjeçari mori plumbat në pjesën e këmbëve, ndërsa ndodhet në spital jashtë rrezikut për jetën.
Burime policore bëjnë me dije se fakti që 38-vjeçari është qëlluar në këmbë tregon se ose atetntati ndaj tij ishte një paralajmërim, ose autori nuk ka arritur të eleminojë objektivin.
Policia e Vlorës njoftoi se ngjarja ndodhi dje, më datë 29 maj 2021 dhe u mësua kur rreth orës 23:30, në spitalin e Vlorës, ka shkuar i plagosur, dyshohet me armë zjarri në rrethana ende të paqarta, shtetasi E. B, 38 vjeç, banues në fshatin Kaninë, Vlorë.
Ai ndodhet nën kujdesin e mjekëve, jashtë rrezikut për jetën ndërkohë që hetimet vazhdojnë.
Operacioni Forca e Ligjit i ka dërguar më herët formularin për deklarimin e pasurisë, Edison Begajt.
Edison Begaj rezulton të jetë subjekt i Aktit Normativ, pasi Gjykata e Apelit të Krimeve të Rënda Tiranë e ka dënuar me 7 vite e 6 muaj burgim, për veprat penale “Prodhimi dhe shitja e narkotikëve” dhe “Prodhimi dhe mbajtja pa leje e municioneve luftarake”
