Gazeta spanjolle ‘’Marca’’ ka publikuar lajmin e bujshëm se ylli portugez Kristiano Ronaldo është nën hetim nga autoritetet lokale pasi dyshohet se ka kryer ndërtime pa leje.
Shkak për hetimin është bërë një video e postuar nga gruaja e Ronaldo, Xheorxhina Rodrigez e cila publikoi pamjet e apartamentit të tyre të ardhshëm.
Sipas këshillit të Lisbonës nuk ka pasur asnjë kërkesë për punime në banesë në vitin 2020 dhe kjo do të jetë pika ku do të hetojnë autoritetet.
Vetë kryetari i bashkisë në Lisbonë, Fernando Medina u shpreh se të bësh punime në mënyrë të paligjshme është shenjë mosrespekti ndaj fqinjëve.
Sipas mediave lokale ylli portugez bleu apartamentin me hapësirë 288 metra katrorë për shumën e 7.2 milionë eurove.
