Partizani fitoi 2-4 ndaj Bylisit, në takimin përmbyllës të Kategorisë Superiore. Deri në minutën e 90-të, rezultati ishte 2-2, me golin e 3-të që erdhi nga Geri Selita.
I riu 20 vjeçar zëvendësoi Lucasin, gjashtë minuta nga fundi, me trajnerin Daja që si duket, mori vendimin e duhur. Selita realizoi gol në debutimin e tij në Kategorinë Superiore, çka është një arritje e rëndësishme për mesfushorin.
Partizani e mbylli këtë kampionat në vendin e 3-të në renditje me 65 pikë të grumbulluara në total, vetëm 1 më pak se Teuta dhe Vllaznia, që mbajnë respektivisht vendin e parë dhe të dytë. Në krahun tjetër, ekipi i Dovedan do të luajë në Kategorinë e Parë në sezonin e ardhshëm.
