Nga sot, shërbimi inteligjent izraelit, Mossad, ka një shef të ri, David (Dadi) Barnea. Ky i fundit ka një karrierë mbi 30 vjeçare, ndërsa ka mbajtur detyrën e zv.shefit të Mossad. Barnea zëvendësoi Yossi Cohen.
Cohen kishte një rol kyç në marrëveshjet e fundit të normalizimit të raporteve të Izraelit me shtetet arabe, shkruan AFP.
Vendimi për emërimin e Barneas është marrë nga Kryeministri Netanyahu, i cili e ka vlerësuar si një veteran të përkryer i Mossad-it.
Izraeli zakonisht nuk zbulon emrat e personelit të lartë të Mossad-it, përveç drejtorit, identiteti i të cilit është i njohur përgjithësisht për publikun.
Cohen u emërua në krye të shërbimeve sekrete izraelite më 2015, pasi shërbeu si këshilltar i sigurimit kombëtar të Netanyahut dhe më parë si zëvendësshef i Mossad-it.
