Ambasadori gjerman në Tiranë ka zgjedhur të mos komentojë vendimin e DASH për shpalljen “non grata” në SHBA ish-kryeministrin Sali Berisha.
Çfarë mendimi keni për shpalljen ‘non-grata’ të Sali Berishës, u pyet ambasadori gjatë një komunikimi me gazetarët.
Peter Zingraf u shpreh: “Nuk kam koment, jam këtu të vizitoj vetëm këtë projekt kaq të rëndësishëm”.
I pyetur për negociatat, ai tha: “Le të themi që unë shpresoj që bisedimet për anëtarësim të nisin sa më shpejt, edhe ky projekt këtu është një proces që kërkon mjaft punë dhe bashkëpunim për arritjen e standarteve europiane. Vetë ekspertët gjykojnë që përsa i përket standarteve të përshtatura të një vendi për të qenë në BE, duhet të ketë funksionim të pushtetit lokal më shumë sesa ai shtetëror. E rëndësishme që negociatat me Shqipërinë dhe Maqedoninë e Veriut do të hapen së shpejti”.
