Është luajtur ditën e sotme java e fundit e Bundesligës gjermane. Bayern Munich e ka mbyllur sezonin me një fitore 5-2 në shtëpi kundër Augsburg.
Qershia mbi tortë për kampionët e Gjermanisë ka ardhur në minutën e 90-të kur Robert Lewandowski ka shënuar golin numër 41 të sezonit, duke thyer rekordin e vendosur nga Gerd Muller në sezonin 1971-72 (40 gola) për numrin më të madh të golave të shënuar në një sezon të vetëm të kampionatit gjerman.
https://www.youtube.com/watch?v=LK-8QlUx1M4
Fitore edhe për Dortmund, që ka mundur 3-1 në shtëpi Leverkusen. Shkëlqen Haaland me dy gola. Norvegjezi e ka mbyllur sezonin me 41 gola të realizuar në 41 ndeshjet të luajtura në të gjitha kompeticionet.
Lajme të këqija për Werder Bremen e Milot Rashicës, i cili ka shënuar sot. Skuadra e yllit kosovar është mundur 4-2 në shtëpi nga Borussia Moncheglabach dhe ka rënë nga kategoria për herë të parë që nga viti 1979-të.
