Trajneri i Maqedonisë së Veriut, Igor Angelovski ka zbuluar së fundmi listën me lojtarët për Europianin, i cili do të startojë më 11 qershor.
Në listën me 26 lojtarë të Maqedonisë së Veriut bëjnë pjesë edhe 6 futbollistë shqiptarë.
Në mesfushë është ftuar futbollisti i Partizanit, Ferhan Hasani, ndërsa bashkë me të janë edhe 5 shqiptarët e tjerë, Visar Musliu, Egzon Bejtullai, Ezgjan Alioski, Arijan Ademi dhe Enis Bardhi.
Kualifikimi në Europian është një arritje historike për Maqedoninë e Veriut, pasi ndodh për herë të parë në histori të kësaj kombëtareje.
Lista zyrtare e Maqedonisë së Veriut në Euro 2020:
Portierë: Stole Dimitrovski, Damjan Shishkovski dhe Riste Jankov.
Mbrojtje: Stefan Ristovski, Visar Musliu, Egzon Bejtullai, Kire Ristevski, Gjoko Zajkov, Darko Vellkovski dhe Ezgjan Alioski.
Mesfusha: Arian Ademi, Enis Bardhi, Stefan Spirovski, Boban Nikollov, Tihomir Kostadinov, Ferhan Hasani, Elif Elmas, Daniell Avramovski, Darko Çurlinov dhe Marjan Radeski.
Sulm: Goran Pandev, Aleksandar Trajkovski, Ivan Triçkovski, Vllatko Stojanovski, Kërste Vellkovski dhe Millan Ristevski.
