Endri Mustafa, 32-vjeçari i cili mëngjesin e sotëm u gjet i vrarë me armë zjarri në Shkodër, është nën hetim për dhënie parash me fajde.
Në Tetor 2020, Gjykata e Shkodrës vendosi pranimin e kërkesës së prokurorisë dhe dërgoi për gjykim themeli dosjen në ngarkim të Mustafas për veprën penale ”Ushtrim pa licence i veprimtarive financiare”.
Me ekzekutimin e tij, gjykatat pritet të pushojë çështjen.
Policia njoftoi se trupi i pajetë i të riut u gjet “në orën 09:00, në bregun e liqenit, në livadhe, në lagjen Guerile”. Dyshohet se 32-vjeçari është vrarë me armë zjarri, konfirmoi policia.
Pranë trupit të viktimës është gjetur dhe një armë zjarri tip pistoletë.
