I tronditur dhe me vajzën vetëm 11 muajshe në krah, piloti Charalambos Anagnostopoulos, i ka dhënë lamtumirën gruas së tij 20 vjeçare, e cila u mbyt mizorisht dy netë më parë nga grabitësit në banesën e tyre.
Lamtumira e fundit, Carolin, i është dhënë në vendin ku lindi dashuria e tyre, në ishullin Alonisos.
Familja, miqtë dhe njerëzit e afërm u mblodhën mesditën e sotme në Kishë për t’i qëndruar pranë familjarëve të Carolinës, 20-vjeçares që u vra në mënyrën më makabre nga 3 grabitësit, të cilët hynë në shtëpinë e saj 2 ditë më parë, dhe i morën frymën barbarisht në sytë e fëmijës dhe bashkëshortit të saj.
Charalambos Anagnostopoulos mbërriti në Alonisos përmes një helikopteri të kompanisë ku ai punonte duke mbajtur në krahët e tij, frytin e dashurisë së tyre, që lindi në vendin, ku Caroline tani, ka mbyllur sytë përgjithmonë.
Edhe gurët e ishullit e derdhën një lot për Carolinën, që grabitësit i morën frymën e fundit me dhunë pranë vajzës dhe bashkëshortit të saj.
