Policia e Korçës ka goditur një rast të transportimit të paligjshëm të emigrantëve kundrejt shpërblimit në kuadër të të cilit ka vënë në pranga 2 shtetas.
Gjithashtu, policia ka arrestuar edhe një shtetas tjetër të shpallur në kërkim.
Sipas njoftimit të bluve, “u bë kapja dhe arrestimi në flagrancë i shtetasve F. B., 23 vjeç dhe E. Sh., 37 vjeç, banues në Elbasan. Shërbimet e policisë rrugore kanë kapur në rrugën dytësore Rëmbec, Maliq, shtetasit e mësipërm duke transportuar me mjetin tip “Nissan”, tre emigrantë të paligjshëm, të cilëve kundrejt shpërblimit, iu kishin premtuar kalimin drejt vendeve të BE-së”.
“Gjithashtu po nga këto struktura, u bë ndalimi i shtetasit në kërkim L. Ll., 21 vjeç, banues në Tiranë, pasi Gjykata e Rrethit Gjyqësor Korçë, me vendimin e datës 10.02.2021, ka caktuar për këtë shtetas, masën e sigurisë “Arrest në burg” për veprën penale “Ndihma për kalim të paligjshëm të kufijve”, kryer në bashkëpunim. Materialet i kaluan Prokurorisë Korçë për veprime të mëtejshme”, shtuan të njëjtat burime.
