Partizani do të përballet me Tiranën ditën e enjte. Derbi i kryeqytetit do të luhet në “Air Albania” në orën 19:00 dhe të kuqtë pas barazimit në Korçë kërkojnë me çdo kusht të marrin 3 pikë për të mos humbur më shumë terren me Teutën kryesuese.
Trajneri Ilir Daja do të ketë “dy forca” më shumë ndaj Tiranës pasi Esat Mala dhe Jurgen Bardhi kanë kaluar pezullimin dhe pritet të jenë titullar në derbi.
Pas këtij takimi, Partizani do të përballet me Teutën në sfidën direkt për titullin kampion dhe 5 lojtarë rrezikojnë të humbasin këtë ndeshje në rast se ndëshkohen me karton të verdhë në derbi. Çinari, Hakaj, Belica, Asani dhe Junior janë futbollistët që nëse ndëshkohen kundër Tiranës të enjten do të mungojnë kundër Teutës.
