Mbyllet pa gola supersfida Barcelona-Atletico Madrid. Dy skuadrat po garojnë për titullin kampion dhe dhuruan një betejë sportive në “Camp Nou”. Ekipi i Diego Simeones ishte më i rrezikshëm në pjesën e parë.
Correa, Llorente dhe Carrasco patën shanset e tyre, por nuk ia dolën të dërgonin topin në rrjetë. Leo Messi tensionoi mbrojtjen mike në minutën e 41-të, por Oblak e ndali me një pritje të bukur.
Pjesa e dytë ishte më e ekuilibruar, edhe pse vendasit patën iniciativën. Araujo gjeti golin në minutën e 70-të, por ishte në pozicion të parregullt dhe u anulua. Në fund tentoi edhe Dembele, por sfida përfundoi 0-0.
Atletico Madrid vazhdon të kryesojë La Liga-n me 76 pikë, dy më tepër se Barcelona dhe tre mbi Real Madrid, që pret në fushën e vet Sevillan të dielën në mbrëmje. “Los Blancos” kanë mundësinë që me anë të një fitoreje të parakalojnë Barçën dhe të kryesojnë La ligën së bashku me Atleticon në kuotën e 77-të pikëve.
