Një denoncim është bërë ditën e sotme në policinë e Sarandës.
Një grua me iniciale A. M., punonjëse e një kompanie sigurimesh, denoncon se është kërcënuar me jetë, nga një i ri i paidentifikuar, teksa shkoi tek bankomati për të tërhequr një shumë lekësh.
Ngjarja ka ndodhur rreth orës 09:40 të ditës së sotme, ku qytetarja e tronditur nga ajo që kish përjetuar drejtohet për në Komisariatin e Policisë për të bërë denoncimin.
“Në momentin kur po kryeja veprimet një i ri, pa maskë, por me syze u afrua dhe më vuri një thikë në ije, në një mënyrë për të mos u parë nga të tjerët. më kërcënoi që t’i jepja lekët që po merrja nga bankomati, ose të bëja një tjetër tërheqje. I thashë se nuk kam më shumë, kaq kam. Ndërkohë ai vazhdonte duke më thënë ‘o më dorëzo lekët ose të vrava. Do jetën apo lekët”,- deklaron qytetarja në polici.
Ndërkohë policia ka nisur hetimet për identifikimin e autorit
