Kreu demokrat Lulzim Basha ka reaguar për herë të parë ndaj kërkesës për dorëheqje nga disa anëtarë të Këshillit Kombëtar.
I pyetur se si i komentonte zërat e brendshëm për drëheqje, Basha theksoi se beteja do të vijojë deri në fitore.
“Beteja do të vijojë deri në fitore”, tha Basha për ‘Reporttv’.
Plani i momentit i kryedemokratit Basha është që të faktojë përballë faktorit ndërkombëtarë manipulimet zgjedhore të 25 Prillit, ndërkohë që nuk dihet ende hapi i dytë pas faktimit të këtyre manipulimeve dhe a do të ketë një dorëheqje nga kreu i Partisë Demokratike.
Deri më tani drejtues të degëve të PD në rrethe, ish-deputetë dhe ata që morrën mandatet në zgjedhjet e 25 prillit, kanë mbështetur kreun demokrat.
