Diten e sotme është dhënë masa ‘Arrest me burg’ për Mikel Postolli 37-vjeçarin, i cili pasditen e 25 prillit tentoi të digjte kutitë e votimit në fshatin Agim në Libofsh.
Ngjarja ndodhi rreth orës 19 :10 kur po bëhej transporti i kutive të votimit nga fshati drejt qytetit Fier për në KZAZ kryesore.
Prokuror, Shkelqim Cina gjyqtar Majla Alicani
Pas daljes nga gjykata Postolli teksa shoqërohej për tek furgoni i policisë, ka thirrur ‘organizatë kriminale’.
Mikel Postolli banues në fshatin Havaleas, ka shkuar në kishën e fshatit Agim dhe ka hedhur në oborrin e jashtëm të saj një shishe me molotov e cila ka shpërthyer dhe për pasojë ka pasur vetëm dëme të vogla materiale.
Më pas është larguar dhe në rrugën kryesore të fshatit Agim, në afërsi të qendrës së votimit ka bërë thirrje duke sharë të gjitha subjektet politike duke kërcënuar se do digjte kutitë e votimit.
Në cilësinë e provës materiale janë sekuestruar tre shishe molotov, dy mjete prerëse (sëpatë dhe thikë) dhe libra të një sekti fetar të cilat i kishte me vete në një çantë.
