Organizata Botërore e Shëndetësisë (OBSH) pret të vendosë në dy javët e ardhshme nëse do të miratojë urgjentisht përdorimin e dy vaksinave kineze kundër koronavirusit, tha sot ndihmës drejtori i asaj agjencie të Kombeve të Bashkuara, Mariangela Galvao Simao.
Ajo specifikoi se OBSH mund të merrte një vendim mbi vaksinën Sinofram deri në fund të kësaj jave, ndërsa mund të vendoste për përdorimin e vaksinës të zhvilluar nga kompania Sinovak Bajontek deri në fund të javës tjetër.
Miratimi i OBSH-së do të ishte një tregues për organet rregullatore të vendeve të botës në lidhje me sigurinë dhe efikasitetin e vaksinave kineze dhe do t’u mundësonte atyre përfshirjen në programin COWACS, shkruan Reuters.
Nëse miratohet, vaksinat kineze do të jenë vaksinat e para nga vendet jo-perëndimore që do të marrin miratimin e OBSH-së, e cila deri më tani ka miratuar vaksinat Pfizer, AstraZeneca dhe Johnson – Johnson, ndërsa një vendim për vaksinën Moderne pritet këtë javë.
