Policia e Tiranës ka shoqëruar 7 persona lidhur me sherrin që ndodhi në KZAZ 30, e vendosur në shkollën 1 Maji në Tiranë.
Nga raportimet mësohet se personat që kanë hyrë në KZAZ kanë sulmuar fillimisht një vëzhgues të PD dhe më pas sherri ka precipituar me një prej numëruesve të kësaj partie.
Mësohet se debatet kanë nisur për një fletë votimi, ndërsa situata ka precipituar në përplasje fizike deri në përdorimin e karrigeve.
Nuk dihet ende se si kanv mundur të hyjnë në mjediset e KZAZ në fjalë personat e paidentifikuar, pasi rezulton se nuk kanë pasur dokumente të lëshuara nga KQZ si vëzhgues të procesit të numërimit.
Policia ka qenë prezente dhe nuk dihet sepse nuk ka ndërhyrë për të parandaluar përplasjen fizike.
