Kandidati i pavaruar Elton Debreshi , ka denoncuar parregullësitë e shfaqura në qendrën e votimit 1029 pranë poliklinikës në qytetin e Bulqizës. Në një postin në rrjetin social Facebook, Debreshi është shprehur se komisionerët e partive kanë nxjerrë jashtë me forcë vëzhguesit dhe kanë mbyllur derën.
Deklarata
Pak perpara mbylljes se votimeve, komisioneret e partive kane nxjerre jashte me force vezhguesit nga qendra e votimit 1029 (Poliklinika) ne qytetin e Bulqizes. Komisioneret e partive kane mbyllur deren me celes. Kjo tentative e paligjshme synon te preke vullnetin e qytetareve. Po ne shkelje te ligjit, KZAZ e Bulqizes refuzon te regjistroje ankesen e vezhguesve tane. I bejme thirrje vezhguesve nderkombetare te nderhyjne sa me pare. Keqberesit do te perballen me te gjithe forcen e ligjit.
