Japonia po përballet me një rritje të përshpejtuar të infektimeve nga koronavirusi çka ka shtyrë qeverinë të premten të deklarojë sërish gjendjen e jashtëzakonshme në Tokyo dhe 3 rajone të tjera të vendit.
Një vendim i tillë ka ngritur menjëherë shqetësime pasi për 3 muaj duhet të nisin Lojërat Olimpike në Tokyo por sipas autoriteteve këto masa nuk do të ndikojnë në organizimin e Olimpiadës.
Tokyo, Kyoto, Osaka dhe Hyogo janë zonat që rikthehet gjendja e jashtëzakonshme pasi numrat e infektimeve kanë një rritje të madhe ditët e fundit ndaj dhe kryeministri Yoshihide Suga tha se qeveria ishte e detyruar të ndërrmerte një masë të tillë që sidoqoftë nuk prek organizimin e Lojërave Olimpike që startojnë më 23 Korrik.
Masat e ndërmarra nga qeveria do të zgjasin të paktën deri më 11 Maj dhe përfshijnë edhe ndalimin e tifozëve në aktivitete sportive por edhe qendrat e mëdha tregtare do të jenë të detyruar të mbyllin dyert.
Pak javë më parë, bëri zhurmë një deklaratë e numrit 2 të partisë në pushtet, ku tha se në rast të përkeqësimit të situatës, Lojërat Olimpike do të anulohen përfundimisht por deri tani nuk ka asnjë sinjal të tillë nga autoritetet japoneze.
