Mbrëmjen e sotme, kryetari i LZHK-së Dashamir Shehi, i ftuar në emisionin e JOQ Albania “Pa Maska” ka folur në lidhje me situatën në vend, duke u ndalur tek patronazhistët të cilët janë kthyer në personat më të urryer për momentin.
Por, ajo që ra në sy ishte deklarata e Dashamir Shehit, ku tha se Rama na ruan me llumin e shoqërisë që marrin përsipër punën e spiunllikut.
Më konkretisht, Dashamir Shehi është shprehur se:
Rama na ruan edhe me një pjesë që mund të jetë llum shoqërie, me pjesën e ulët të shoqërisë që merr përsipër këtë punën e spiunllikut. Kjo është koha e vjetër e Enver Hoxhës. Çfarë bënte Enver Hoxha? Ruante kryekirurgun e spitalit me sanitaren, jo me kirurgun tjetër. Mos kujtoni se jeni të rëndësishëm, mos kujtoni se jeni të pazëvendësueshëm. Këtu kontrollon vetëm Rama, të gjithë shoqërinë.
