Tre persona janë arrestuar pasi akuzohen se tentuan të vidhnin në pikën e bllokimit të automjeteve në Laç.
A. B., 19 vjeç, L. M., 20 vjeç dhe J. Gj., 17 vjeç, banues në Kurbin, u vunë në pranga.
Këta shtetas janë kapur në flagrancë nga shërbimet e Policisë, duke tentuar të vidhnin në pikën e bllokimit të automjeteve në Laç, Kurbin, njoftoi policia.
Materialet i kaluan Prokurorisë së Rrethit Gjyqësor Kurbin, për veprime të mëtejshme, për veprën penale “Vjedhja, e mbetur në tentativë “, e kryer në bashkëpunim, shtuan të njëjtat burime.
