Pas deklaratave të djeshme të kryeministrit Edi Rama ku premtoi rritjen e pagave ka reaguar Partia Demokratike duke e akuzuar për zhargonin e përdorur.
Ordiner e ka quajtur, në një deklaratë, deputeti i PD¬së, Arben Ristani zhargonin e Edi Ramës, i cili sipas tij, fyeu dje punonjësit e administratës duke i quajtur të paaftë.
“Ofendoi një pjesë të mirë të atyre punonjësve që megjithëse u mashtruan, tradhëtuan dhe u braktisën për 3 vjet nga Edi Rama, vazhduan pa e ndalur punën e tyre. Në fakt në mendësinë e Edi Ramës për shtetin, punonjësi i administratës s’duhet të jetë specialist i zoti e me përvojë, as njeri që punon shum딬 tha ai, duke shtuar se ‘Nese nuk ke trafikuar femra, nuk je marrë me prostitucion, me trafik droge, nuk je dënuar për korrupsion, falsifikim dokumentesh, kërcënime, rrëmbim fëmijesh, atëherë ti nuk je i aftë për të punuar në administratë”.
Sipas Ristanit, vetëm ata që kanë një cv kaq të pasur e meritojnë të jenë në administratë, në polici dhe në parlament, sipas Edi Ramës. “Në fund të fundit çdo drejtues mundohet të implementojë modelin e tij. Këtë bën çdo ditë edhe piktori i dështuar që është sot kryeministër dhe do të mbetet në histori për modelin e tij të krimit, drogës dhe korrupsionit”¬ tha Ristani.
