Chelsea kërkon N’Golo Kante dhe Arturo Vidal

Chelsea është gati të bëjë një ofertë për Kante të Leicester këtë verë, sipas “Daily Mirror”. Kampionët në fuqi të Premier League janë magjepsur nga mesfushori 24-vjeçar, i cili duket se do të jetë blerja e parë e epokës Antonio Conte, kur ky i fundit të marrë drejtimin e “Bluve” pas Euro 2016-ës. Leicester, që kryeson kampionatin anglez, po kërkon ta bindë lojtarin që të nënshkruajë një kontratë afatgjatë. Për më tepër, Kante është grumbulluar nga trajneri i Francës Deschamps për miqësoret kundër Holandës dhe Rusisë. Kante është transferuar te Leicester për 7.28 milionë euro dhe tani është kthyer në një nga blerjet më të mira të realizuara në këtë sezon të Premier League. “Blutë” do të shpenzojnë shumë për të rikthyer ekipin në majën Premier League dhe duket se Kante ka qenë një objektiv i klubit para se Conte të pranonte të merrte vendin e Jose Mourinho-s. Trajneri aktual Guus Hiddink është befasuar nga ky lojtar, i cili krahasohet me Claude Makelele. Në fund, përforcimi tjetër i Chelsea mund të jetë Vidal, që duket se ka dëshirë të ribashkohet me ish-trajnerin e tij