Besnik Dervishi , Komisioneri për Mbrojtjen e të Dhënave Personale I ftuar në ‘Opinion’ , deklaroi se përdorimi i të dhënave personale bëhet vetëm me pëlqimin e personit, kur e jep në mënyrë të përgjegjshme. Ndërkohë lidhur me nxjerrjen e të dhënave nga subjekti politik i PS në fushatë zgjedhore, Dervishi thotë se kjo është e përcaktuar me ligj dhe ku çdo subjekt ka të drejtë të ketë listën e të dhënave.
“Në rastin konkret, deri sa kjo nuk është e parashikuar me ligj dhe nëse kjo vërtetohet se nuk ka pëlqimin e qytetarit, kemi të bëjmë me shkelje. Ne jemi institucioni përgjegjës. Deri tani nuk ka asnjë ankesë të regjistruar nga qytetarët. Zyra e komisionerit për këtë arsye, pasi në fushatë zgjedhore përpunohen të dhënat, ka një mundësi tjetër të filloi një shqyrtim administrativ me iniciativën e vet. Kemi filluar mbledhjen e provave. Është pak e vështirë. Ne jemi në process të shqyrtimit. Kemi filluar hetimin administrative për ata kontrollues publik dhe privat që ne mendojmë se janë administrator”, tha Dervishi.
Më pas ai tha se vitin e kaluar është hartuar njëraport për sigurinë e të dhënave personale. i përfshirë sipas tij ka qenë dhe AKSH-I, i cili është ai që mundëson databazën që disponohen nga kontrollues të ndryshëm.
“Janë thirrjet e pakërkuara. Mesazhet dhe thirrjet që bëjnë subjektet politike. Ka të dhëna personale që përdoren me lejen e subjektit. Ne kemi dalë më njoftim për shtyp dhe kanë ardhur vetëm dy ankesa. Ne duhet të ndërgjegjësohemi. Që në momentin që firmosim një kontratë, ajo firmë është përgjegjësi”, tha Dervishi.
