Kryeministri Edi Rama gjatë një takimi me të rinj në Tiranë ka marrë sërisht në mbrojtje patrozhanistët, të cilët kanë krijuar një debat publik, madje SPAK ka nisur hetimet, pas publikimit të të dhënave personale të mbi 900 mijë qytetarëve në Tiranë, të cilët janë klasifikuar si mbështetës ose jo të Rilindjes.
Në kulmin e debatit, Rama është pozicionuar në mbrojtje të spiunëve të Rilindjes, duke i inkurajuar, edhe pse gjuha e përdorur prej tyre është denigruese ndaj komuniteteve të caktuara, familjeve në nevojë apo personave me aftësi të kufizuara.
Në fakt e gjithë struktura që Rama e quan “patronazhistë” vepron me një skemë të ngjashme me ato të ish-spiunëve të Sigurimit të Shtetit, që njihen rëndon si 80 lekshat, të cilët survejonin, përgjonin, kontrollonin, jetën e gjithkujt. Mjafton të lexoni komentet e patronazhistëve për të kuptuar ngjashmërinë.
“Ju jeni patronazhistë si ju ka plotë të tjerë. Në këto ditë fjala patronazhistë është lakuar shumë. Por përdoret prej disave si fjalë për të krijuar idenë e gogolit që ka dalë në Tiranë dhe vëzhgon e kontrollon njerëz. Por Patronazhsiti nuk është figurë që u shpik në Shqipëri. Nuk e krijuam ne. Është figura kyçe e historisë së zgjedhjeve dhe përballjeve mes dy partive më të mëdha të botës. Republikane dhe Demokratike në SHBA. Patronazhisti është ai që angazhohet që aty jeton e banon të trokas në një numër caktuar dyersh. Të komunkiojë me kategori të ndryshme të mbajë shënim se çfarë perceptimi ka. Majtas, djathtas të lëkundur. Le të thonë çtë duan ata. Por patronazhimi është klasa e parë e shkollës së madhe politike. Kush ka ambicie për të shkuar në klasa të larta fillon nga patronazhimi. Por nga ana tjetër mund të vijojë të jetë patronazhist”, tha Rama.
Në vijim ai theksoi se “mesazhi im duke filluar nga Ilir Meta. Patronazhistëve tu merrni të keqen. Edhe mos e harroni, patronazhistët ju njohin”.
“Ne ju njohim juve dhe po vijmë pas jush. Do e shikoni pas 25 prillit se sa mirë ju njohim ne juve. Do e kuptoni pse ju kemi mundur ju mundim dhe do t’ju mundim. Sepse PS nuk është Edi Rama. Edi Rama është vetëm patronazhisti më i gjatë”, tha ai.
