Partizani dhe Kastrioti masin forcat të shtunën në orën 16.00, në kuadër të Kategorisë Superiore. Të kuqtë po i japin sot dorën e fundit përgatitjeve për këtë sfidë.
Drejtori Olsi Rama ka bërë një postim në rrjetet sociale, ku duket edhe ekipi gjatë stërvitjes. Si duket, Rama është pranë lojtarëve, në prag të këtij 90 minutëshi dhe diçka të tillë e kemi parë edhe herët e tjera gjatë sezonit.
Partizani është në garë për titullin kampion, ku pas 27 ndeshjesh është e 3-ta në kampionat, me 47 pikë të grumbulluara, po aq sa ka edhe Vllaznia e vendit të dytë. Takimi i nesërm luhet në Air Albania Stadium.
